Ur gêr startijenn enni, degemerus ha sioul

Ur gêr gengred, enlaka ha perzhiañ

Ur gêr startijenn enni, degemerus ha sioul

Ur gêr badus, nevezus hag engouestlet evit an dazont

Ur gêr oberiant hag uhel he falioù evit an deskadurezh, an dudi hag ar sport

Ur gêr startijenn enni hag engouestlet da vat e dialusk Roazhon Meurgêr

150 annezad nevez bennak a vez degemeret bep bloaz gant Lanvezhon, da lavaret eo ur c’hresk etre 1 ha 2%, douget war un dro gant ar c’hresk demografek naturel (ganedigezhioù) ha gant dedennusted ar gumun evit annezidi nevez.

Gant an emdroadur demografek-se, hag a dalvez buhez a-leizh, e teu ezhommoù nevez evit a sell ouzh an aveadurioù hag an terkadurioù evit bastañ da ezhommoù ar familhoù, an dud oberiat yaouank hag an henidi.

Penaos degemer an holl a-zoare en ur virout hor c’halite bevañ hag hor c’hemmesk renkadoù ?
  • Kêriekaat ur c’harter padus er Vivier Louis dindan mestroniezh ar gumun.
  • Empentiñ lojeizoù aes d’an holl, ur c’harter nevez oc’h arnodiñ tiez-annez nevezus
    (liestamm ha skañv) enframmet en endro bezant hag a gas war-raok an doareoù oberiant ha lodet da vont-ha-dont.
  • Gwellekaat an takad kêr bezant evit mirout an takadoù labour-douar ha naturel.
    Evit talvoudekaat an takadoù savadurioù warno c’hoazh ha diouzh ho koulenn e vo kinniget sikour ac’hanoc’h evit adsoñjal ar mod da aozañ ho tachennoù hag o lojeizoù.
  • En tolpad-kêr e chomo ar servijoù, ar stalioù hag al lec’hioù dudi da nebeutoc’h eget 15 munutenn war droad, war velo pe dre treuzdougen boutin. Kendelc’her a raimp da ziorren ur rouedad tud war droad ha war velo suraet, dre adaozañ an tremen danzouar a zo anezhañ c’hoazh e-kichen an ti-gar ha diskoulmoù da aesaat monedone an holl (Transport’âge, kenweturiñ kengred, karrlodañ).
  • Reiñ startijenn d’an ekonomiezh dre skoazellañ an embregerezhioù, ar stalioù hag ar servijoù nes ha degas un harp oberiant d’an dougerien raktresoù kenkoulz ha d’al labourerien-douar bio oc’h en em staliañ, evit ur gumun dedennus ha gwriziennet en he ziriad.
  • Evit mirout ar sioulded foran e kreñvaimp an dizarbenn hag an hanterouriñ a-enep da gement stumm feulster zo.
  • Poellgor lec’hel ar surentez (kevelerien bublik ha kevredigezhel) a greñvaio e obererezhioù dizarbenn a-enep an disevenderioù, an harellerezh, ar feulster, revelour ha revel peurgetket, hag an adiktadurioù.
  • Kresket e vo araezioù polis-kêr evit ma vo nesoc’h d’an dud hag aesoc’h kendivizout ganto. An annezidi a gemero perzh en divizoù diwar-benn an oberoù da gas da benn.
Pour aller plus loin

Découvrir la suite de notre programme

Une ville durable, innovante et engagée pour l’avenir